פרק כה

1וַיַּעַן בִּלְדַּ֥ד הַשֻּׁחִ֗י וַיֹּאמַֽר:
2הַמְשֵׁ֣ל וָפַ֣חַד עִמּ֑וֹ עֹשֶׂ֥ה שָׁ֜ל֗וֹם בִּמְרוֹמָֽיו:
3הֲיֵ֣שׁ מִ֖סְפָּר לִגְדוּדָ֑יו וְעַל־מִ֜֗י לֹֽא־יָק֥וּם אוֹרֵֽהוּ:
4וּמַה־יִּצְדַּ֣ק אֱנ֣וֹשׁ עִם־אֵ֑ל וּמַה־יִּ֜זְכֶּ֗ה יְל֣וּד אִשָּֽׁה:
5הֵ֣ן עַד־יָ֖רֵחַ וְלֹ֣א יַֽאֲהִ֑יל וְ֜כֽוֹכָבִ֗ים לֹֽא־זַכּ֥וּ בְעֵינָֽיו:
6אַף כִּֽי־אֱנ֣וֹשׁ רִמָּ֑ה וּבֶן־אָ֜דָ֗ם תּֽוֹלֵעָֽה: