| 1שִׁ֗יר הַֽמַּֽ֫עֲל֥וֹת אַ֖שְׁרֵי כָּל־יְרֵ֣א יְהֹוָ֑ה הַֽ֜הֹלֵ֗ךְ בִּדְרָכָֽיו: |
| שיר המעלות אשרי כל ירא ה'.
כל אלו תוכחות ומוסרים לפי שכתוב אשרי האיש אשרי איש, לכך נאמר כאן כל לרבות אשה:
|
| 2יְגִ֣יעַ כַּ֖פֶּיךָ כִּ֥י תֹאכֵ֑ל אַ֜שְׁרֶ֗יךָ וְט֣וֹב לָֽךְ: |
| יגיע כפיך.
הנהנה מיגיע כפו נוחל שני עולמות (במס' ברכות):
|
| 3אֶשְׁתְּךָ֚ | כְּגֶ֥פֶן פֹּֽרִיָּה֘ בְּיַרְכְּתֵ֪י בֵ֫יתֶ֥ךָ בָּ֖נֶיךָ כִּשְׁתִלֵ֣י זֵיתִ֑ים סָ֜בִ֗יב לְשֻׁלְחָנֶֽךָ: |
| כגפן פוריה.
בניה מרובין:
|
| בירכתי ביתך.
לפי שדרך תשמיש להיות בצנעה. דבר אחר:
|
| בירכתי.
אם אשתך נידה תשימנה בירכתי ביתך שלא תתרגל אצלה:
|
| בניך כשתילי זיתים.
מה זיתים אין להם הרכבה כך אין בבניך פסול:
|
| 4הִנֵּ֣ה כִי־כֵ֖ן יְבֹ֥רַךְ גָּ֜֗בֶר יְרֵ֣א יְהֹוָֽה: |
| 5יְבָֽרֶכְךָ֥ יְהֹוָ֗ה מִצִּ֫יּ֥וֹן וּ֖רְאֵה בְּט֣וּב יְרֽוּשָׁלִָ֑ם כֹּ֜֗ל יְמֵ֣י חַיֶּֽיךָ: |
| מציון.
שהוא שער השמים:
|
| בטוב ירושלים.
ושמחת בכל הטוב:
|
| 6וּרְאֵֽה־בָנִ֥ים לְבָנֶ֑יךָ שָׁ֜ל֗וֹם עַל־יִשְׂרָאֵֽל: |
| וראה בנים לבניך.
ולא יבואו לקטטה עבור חליצה ואז שלום על ישראל תוספות:
|
| בנים לבניך.
ירשו נחלה ואין אשה זקוקה ליבם אז שלום בעולם:
|
