פרק צא

1יֹשֵׁב בְּסֵ֣תֶר עֶלְי֑וֹן בְּצֵ֥ל שַׁ֜דַּ֗י יִתְלוֹנָֽן:
יושב בסתר עליון.  מי שהוא חוסה בסתר כנפי השכינה הוא יתלונן בצלו שהקב"ה מגין עליו הרי משה רבינו זה משיא את בני האדם לחסות בכנפי השכינה:
יושב בסתר עליון.  כמו (שה"ש ב) בצלו חמדתי וישבתי:
שדי.  לשון חוזק:
2אֹמַ֗ר לַֽ֖יהֹוָה מַחְסִּ֣י וּמְצֽוּדָתִ֑י אֱ֜לֹהַ֗י אֶבְטַח־בּֽוֹ:
אומר לה' מחסי.  הוא ומצודתי והכל ילמדו ממני ולמה אני אומר כן:
3כִּ֚י ה֣וּא יַ֖צִּֽילְךָ מִפַּ֥ח יָק֗וּשׁ מִדֶּ֥בֶר הַוּֽוֹת:
כי הוא יצילך מפח יקוש וגו'.  לכל אחד ואחד הוא אומר יושב בסתר עליון:
4בְּאֶבְרָת֨וֹ | יָ֥סֶךְ לָ֗ךְ וְתַ֣חַת כְּנָפָ֣יו תֶּחְסֶּ֑ה צִנָּ֖ה וְסֹֽחֵרָ֣ה אֲמִתּֽוֹ:
באברתו.  כנף:
יסך.  יסוכך:
תחסה.  תתכסה:
צנה וסחרה.  הוא צנה המקפת את האדם קרוב לארבע רוחותיו, סוחרה לשון סחור סחור:
5לֹֽא־תִ֖ירָא מִפַּ֣חַד לָ֑יְלָה מֵ֜חֵ֗ץ יָ֘ע֥וּף יוֹמָֽם:
לא תירא.  אם תבטח בו:
מחץ יעוף יומם.  שד המעופף כחץ:
6מִדֶּבֶר בָּאֹ֣פֶל יַֽהֲלֹ֑ךְ מִ֜קֶּ֗טֶב יָ֘שׁ֥וּד צָֽהֳרָֽיִם:
מדבר, ומקטב.  שמות שדים הם, זה מזיק בלילה וזה מזיק בצהרים:
ישוד.  ישודד:
7יִפֹּ֚ל מִצִּדְּךָ֨ | אֶ֗לֶף וּרְבָבָ֥ה מִֽימִינֶ֑ךָ אֵ֜לֶ֗יךָ לֹ֣א יִגָּֽשׁ:
יפול מצדך אלף.  לשון חנייה כמו (בראשית כ״ה:י״ח) על פני כל אחיו נפל:
מצדך.  משמאלך יחנו אלף שדים ואליך לא יגשו להזיק:
8רַק בְּעֵינֶ֣יךָ תַבִּ֑יט וְשִׁלֻּמַ֖ת רְשָׁעִ֣ים תִּרְאֶֽה:
ושלמת.  כליון, ולמה:
9כִּֽי־אַתָּ֣ה יְהֹוָ֣ה מַחְסִּ֑י עֶ֜לְי֗וֹן שַׂ֣מְתָּ מְעוֹנֶֽךָ:
כי אתה.  אמרת ה' מחסי. והרי זה מקרא קצר:
עליון שמת מעונך.  את הקב"ה שמת מעון מבטחך:
10לֹֽא־תְאֻנֶּ֣ה אֵלֶ֣יךָ רָעָ֑ה וְ֜נֶ֗גַע לֹֽא־יִקְרַ֥ב בְּאָֽהֳלֶֽךָ:
לא תאנה.  לא תקרה וכן והאלהי' אנה לידו (שמות כ״א:י״ג):
11כִּ֣י מַ֖לְאָכָיו יְצַוֶּה־לָּ֑ךְ לִ֜שְׁמָרְךָ֗ בְּכָל־דְּרָכֶֽיךָ:
12עַל־כַּפַּ֥יִם יִשָּׂא֑וּנְךָ פֶּן־תִּגֹּ֖ף בָּאֶ֣בֶן רַגְלֶֽךָ:
פן תגוף.  פן תכשל וכן כל לשון נגיפה אצופי"ר בלע"ז:
13עַל־שַׁ֣חַל וָפֶ֣תֶן תִּדְרֹ֑ךְ תִּ֜רְמֹ֗ס כְּפִ֣יר וְתַנִּֽין:
14כִּ֚י בִ֣י חָ֖שַׁק וַֽאֲפַלְּטֵ֑הוּ אֲ֜שַׂגְּבֵ֗הוּ כִּֽי־יָ֘דַ֥ע שְׁמִֽי:
15יִקְרָאֵ֨נִי | וְֽאֶֽעֱנֵ֗הוּ עִמּֽוֹ־אָֽנֹכִ֥י בְצָרָ֑ה אֲ֜חַלְּצֵ֗הוּ וַֽאֲכַבְּדֵֽהוּ:
16אֹ֣רֶךְ יָ֖מִים אַשְׂבִּיעֵ֑הוּ וְ֜אַרְאֵ֗הוּ בִּישֽׁוּעָתִֽי: