| 1לַֽמְנַצֵּ֥ח בִּנְגִינֹ֗ת מִזְמ֥וֹר שִֽׁיר: |
| 2אֱלֹהִ֗ים יְחָנֵּ֥נוּ וִֽיבָֽרְכֵ֑נוּ יָ֚אֵ֥ר פָּנָ֖יו אִתָּ֣נוּ סֶֽלָה: |
| יאר פניו
להראות פנים שוחקות לתת טל ומטר:
|
| 3לָדַ֣עַת בָּאָ֣רֶץ דַּרְכֶּ֑ךָ בְּכָל־גּ֜וֹיִ֗ם יְשֽׁוּעָתֶֽךָ: |
| לדעת בארץ דרכך
להודיע שמדתך להטיב לעמך ועל זה יודוך וישמחו וירננו לאמים:
|
| 4יוֹד֖וּךָ עַמִּ֥ים | אֱלֹהִ֑ים י֜וֹד֗וּךָ עַמִּ֥ים כֻּלָּֽם: |
| 5יִֽשְׂמְח֥וּ וִירַנְּנ֗וּ לְאֻ֫מִּ֥ים כִּֽי־תִשְׁפֹּ֣ט עַמִּ֣ים מִישֹׁ֑ר וּלְאֻמִּ֓ים | בָּאָ֖רֶץ תַּנְחֵ֣ם סֶֽלָה: |
| כי תשפוט עמים מישור
לזכות:
|
| תנחם
תנהגם בדרך המישור ועל זאת יודוך עמים כולם:
|
| 6יוֹד֖וּךָ עַמִּ֥ים | אֱלֹהִ֑ים י֜וֹד֗וּךָ עַמִּ֥ים כֻּלָּֽם: |
| 7אֶרֶץ נָֽתְנָ֣ה יְבוּלָ֑הּ יְ֜בָֽרְכֵ֗נוּ אֱלֹהִ֥ים אֱלֹהֵֽינוּ: |
| ארץ נתנה יבולה
וגם אל הארץ שנתנה יבולה ועל אשר יברכנו השם (סא"א):
|
| 8יְבָֽרְכֵ֥נוּ אֱלֹהִ֑ים וְיִֽירְא֥וּ א֜וֹת֗וֹ כָּל־אַפְסֵי־אָֽרֶץ: |
| וייראו אותו כל אפסי ארץ
שיאמרו ראו אלו שהיו יראי השם איך ברכם וגדלם:
|
