| 1לַֽמְנַצֵּ֬חַ עַל־נְגִינַ֬ת לְדָוִֽד: |
| 2שִׁמְעָ֣ה אֱ֖לֹהִים רִנָּתִ֑י הַ֜קְשִׁ֗יבָה תְּפִלָּתִֽי: |
| 3מִקְצֵ֚ה הָאָ֨רֶץ | אֵלֶ֣יךָ אֶ֖קְרָא בַּֽעֲטֹ֣ף לִבִּ֑י בְּצֽוּר־יָר֖וּם מִמֶּ֣נִּי תַנְחֵֽנִי: |
| מקצה הארץ.
אף ע"פ שאני רחוק מאנשי שאני משלח על אויבי למלחמה:
|
| אליך אקרא בעטף לבי.
עליהם ועל מה אני קורא לך שתנחני בצור שהוא רם וחזק ממני:
|
| 4כִּֽי־הָיִ֣יתָ מַחְסֶ֣ה לִ֑י מִגְדַּל־עֹ֜֗ז מִפְּנֵ֣י אוֹיֵֽב: |
| 5אָג֣וּרָה בְ֖אָֽהָלְךָ עֽוֹלָמִ֑ים אֶֽחֱסֶ֨ה בְסֵ֖תֶר כְּנָפֶ֣יךָ סֶּֽלָה: |
| אגורה באהלך עולמים.
זכני בעה"ז ובעולם הבא:
|
| 6כִּֽי־אַתָּ֣ה אֱ֖לֹהִים שָׁמַ֣עְתָּ לִנְדָרָ֑י נָתַ֥תָּ יְ֜רֻשַּׁ֗ת יִרְאֵ֥י שְׁמֶֽךָ: |
| נתת ירושת יראי שמך.
החזרת ערי ירושתם על ידי:
|
| 7יָ֖מִים עַל־יְמֵי־מֶ֣לֶךְ תּוֹסִ֑יף שְׁ֜נוֹתָ֗יו כְּמוֹ־דֹ֥ר וָדֹֽר: |
| ימים על ימי מלך תוסיף.
אם נגזר עלי למות בחור הוסיף ימים על ימי עד ששנותי יהיו שבעים שנה כמו שני דור ודור:
|
| 8יֵשֵׁ֣ב ע֖וֹלָם לִפְנֵ֣י אֱלֹהִ֑ים חֶ֥סֶד וֶֽ֜אֱמֶ֗ת מַ֣ן יִנְצְרֻֽהוּ: |
| ישב.
המלך לעולם לפני אלהים:
|
| חסד ואמת.
שהוא עוסק בהם יהיו מזומנים לנצרו:
|
| מן.
הזמנה כמו (יונה ד׳:ו׳) וימן ה' קקיון:
|
| 9כֵּ֚ן | אֲזַמְּרָ֣ה שִׁמְךָ֣ לָעַ֑ד לְשַׁלְּמִ֥י נְ֜דָרַ֗י י֥וֹם | יֽוֹם: |
| כן אזמרה.
כמו שתטיב לי כן אזמרה שמך להיותי משלם נדרי יום יום:
|
