פרק א

1 דְּבַר־יְהֹוָ֣ה | אֲשֶׁר־הָיָ֗ה אֶל־צְפַנְיָה֙ בֶּן־כּוּשִׁ֣י בֶן־גְּדַלְיָ֔ה בֶּן־אֲמַרְיָ֖ה בֶּן־חִזְקִיָּ֑ה בִּימֵ֛י יֹֽאשִׁיָּ֥הוּ בֶן־אָמ֖וֹן מֶ֥לֶךְ יְהוּדָֽה:
2אָסֹ֨ף אָסֵ֜ף כֹּ֗ל מֵעַ֛ל פְּנֵ֥י הָֽאֲדָמָ֖ה נְאֻם־יְהֹוָֽה:
אסוף אסף: לשון כליון כמו (שופטים יח) ואספת את נפשך דמיכה ואל"ף חסרה בתיבה שנייה שהרי היה לו לכתוב אאסוף אבל יש כאלה הרבה כמו לא יהל שם ערבי (ישעיה יג) שהוא כמו לא יאהל:
3אָסֵ֨ף אָדָ֜ם וּבְהֵמָ֗ה אָסֵ֚ף עֽוֹף־הַשָּׁמַ֙יִם֙ וּדְגֵ֣י הַיָּ֔ם וְהַמַּכְשֵׁל֖וֹת אֶת־הָֽרְשָׁעִ֑ים וְהִכְרַתִּ֣י אֶת־הָֽאָדָ֗ם מֵעַ֛ל פְּנֵ֥י הָֽאֲדָמָ֖ה נְאֻם־יְהֹוָֽה:
והמכשלות את הרשעים: הם העכו"ם:
4וְנָטִ֚יתִי יָדִי֙ עַל־יְהוּדָ֔ה וְעַ֖ל כָּל־יֽוֹשְׁבֵ֣י יְרֽוּשָׁלִָ֑ם וְהִכְרַתִּ֞י מִן־הַמָּק֚וֹם הַזֶּה֙ אֶת־שְׁאָ֣ר הַבַּ֔עַל אֶת־שֵׁ֥ם הַכְּמָרִ֖ים עִם־הַכֹּֽהֲנִֽים:
את שאר הבעל: שלא תהא שארית לזכרונו:
הכמרים עם הכהנים: פלחיהון עם כומריהם:
5וְאֶת־הַמִּשְׁתַּֽחֲוִ֥ים עַל־הַגַּגּ֖וֹת לִצְבָ֣א הַשָּׁמָ֑יִם וְאֶת־הַמִּשְׁתַּֽחֲוִים֙ הַנִּשְׁבָּעִ֣ים לַֽיהֹוָ֔ה וְהַנִּשְׁבָּעִ֖ים בְּמַלְכָּֽם:
ואת הנשבעים לה': וחוזרים ונשבעים במלכם בעכו"ם שלהם עושין עכו"ם עיקר לומר אם אין אתה מאמין בשבועת ה' הריני נשבע לך בעכו"ם:
6וְאֶת־הַנְּסוֹגִ֖ים מֵאַֽחֲרֵ֣י יְהֹוָ֑ה וַֽאֲשֶׁ֛ר לֹֽא־בִקְּשׁ֥וּ אֶת־יְהֹוָ֖ה וְלֹֽא־דְרָשֻֽׁהוּ:
7הַ֕ס מִפְּנֵ֖י אֲדֹנָ֣י יֱהֹוִ֑ה כִּ֚י קָרוֹב֙ י֣וֹם יְהֹוָ֔ה כִּֽי־הֵכִ֧ין יְהֹוָ֛ה זֶ֖בַח הִקְדִּ֥ישׁ קְרֻאָֽיו:
הקדיש קרואיו: זימן חיילותיו ליום מועד:
8וְהָיָ֗ה בְּיוֹם֙ זֶ֣בַח יְהֹוָ֔ה וּפָֽקַדְתִּ֥י עַל־הַשָּׂרִ֖ים וְעַל־בְּנֵ֣י הַמֶּ֑לֶךְ וְעַ֥ל כָּל־הַלֹּֽבְשִׁ֖ים מַלְבּ֥וּשׁ נָכְרִֽי:
מלבוש נכרי: תכשיטי עכו"ם:
9וּפָֽקַדְתִּ֗י עַ֧ל כָּל־הַדּוֹלֵ֛ג עַל־הַמִּפְתָּ֖ן בַּיּ֣וֹם הַה֑וּא הַֽמְמַלְאִ֛ים בֵּ֥ית אֲדֹֽנֵיהֶ֖ם חָמָ֥ס וּמִרְמָֽה:
הדולג על המפתן: ת"י דמהלכין בנימוסי פלשתאי, שלא היו דורכים על מפתן דגון שנא' על כן לא ידרכו כהני דגון וגו' (שמואל א ה):
10וְהָיָה֩ בַיּ֨וֹם הַה֜וּא נְאֻם־יְהֹוָ֗ה ק֚וֹל צְעָקָה֙ מִשַּׁ֣עַר הַדָּגִ֔ים וִֽילָלָ֖ה מִן־הַמִּשְׁנֶ֑ה וְשֶׁ֥בֶר גָּד֖וֹל מֵֽהַגְּבָעֽוֹת:
משער הדגים: ת"י מתרע נוניא ושער היה בירושלים וכך שמו:
מן המשנה: משער העופות שהוא שני לו:
11הֵילִ֖ילוּ יֹֽשְׁבֵ֣י הַמַּכְתֵּ֑שׁ כִּ֚י נִדְמָה֙ כָּל־עַ֣ם כְּנַ֔עַן נִכְרְת֖וּ כָּל־נְטִ֥ילֵי כָּֽסֶף:
יושבי המכתש: נחלא דקדרון שעמוקה כמכתשת זה ת"י. ומדרש אגדה:
משער הדגים: זו עכו הנתונה בחיקו של הים ששם נצודים דגים הרבה:
מן המשנה: לוד שהיא משנה לירושלים:
מהגבעות: זו צפורי שיושבת בראשי ההרים כצפור:
יושבי המכתש: זו טבריא שעמוקה מכל ארץ ישראל:
כי נדמה כל עם כנען: ת"י ארי אתר כל עמא דדמי עובדיהון לעובדי עמא דארעא דכנען:
כל נטילי כסף: כל עתירי נכסיא טעוני משא כסף וזהב כמו (משלי כ״ז:ג׳) כובד האבן ונטל החול ל' משא:
12וְהָיָה֙ בָּעֵ֣ת הַהִ֔יא אֲחַפֵּ֥שׂ אֶת־יְרֽוּשָׁלִַ֖ם בַּנֵּר֑וֹת וּפָֽקַדְתִּ֣י עַל־הָֽאֲנָשִׁ֗ים הַקֹּֽפְאִים֙ עַל־שִׁמְרֵיהֶ֔ם הָאֹֽמְרִים֙ בִּלְבָבָ֔ם לֹֽא־יֵיטִ֥יב יְהֹוָ֖ה וְלֹ֥א יָרֵֽעַ:
אחפש את ירושלים בנרות: אדקדק בעונותיהם:
הקופאים: הצפים על שמריהם ויצף הברזל (מלכים ב ו׳:ו׳) מתרגמינן וקפא פרזלא:
האומרים בלבבם לא ייטיב ה': לעושי רצונו:
ולא ירע: לעוברי רצונו:
13וְהָיָ֚ה חֵילָם֙ לִמְשִׁסָּ֔ה וּבָֽתֵּיהֶ֖ם לִשְׁמָמָ֑ה וּבָנ֚וּ בָתִּים֙ וְלֹ֣א יֵשֵׁ֔בוּ וְנָֽטְע֣וּ כְרָמִ֔ים וְלֹ֥א יִשְׁתּ֖וּ אֶת־יֵינָֽם:
14קָר֚וֹב יֽוֹם־יְהֹוָה֙ הַגָּד֔וֹל קָר֖וֹב וּמַהֵ֣ר מְאֹ֑ד קוֹל י֣וֹם יְהֹוָ֔ה מַ֥ר צֹרֵ֖חַ שָׁ֥ם גִּבּֽוֹר:
מר צורח שם גבור: הגבור יצרח שם בקול מר:
15י֥וֹם עֶבְרָ֖ה הַיּ֣וֹם הַה֑וּא י֧וֹם צָרָ֣ה וּמְצוּקָ֗ה י֚וֹם שֹׁאָה֙ וּמְשׁוֹאָ֔ה י֥וֹם חֹ֙שֶׁךְ֙ וַֽאֲפֵלָ֔ה י֥וֹם עָנָ֖ן וַֽעֲרָפֶֽל:
יום שואה: לשון שממון:
ומשואה: שממון יותר:
16י֥וֹם שׁוֹפָ֖ר וּתְרוּעָ֑ה עַל הֶֽעָרִ֣ים הַבְּצֻרֹ֔ת וְעַ֖ל הַפִּנּ֥וֹת הַגְּבֹהֽוֹת:
17וַֽהֲצֵרֹ֣תִי לָֽאָדָ֗ם וְהָֽלְכוּ֙ כַּעִוְרִ֔ים כִּ֥י לַֽיהֹוָ֖ה חָטָ֑אוּ וְשֻׁפַּ֚ךְ דָּמָם֙ כֶּֽעָפָ֔ר וּלְחֻמָּ֖ם כַּגְּלָלִֽים:
והצרותי לאדם: לישראל הקרויים אדם:
ולחומם: בשרם ול' ערבי בשר קורין אל לחם:
כגללים: רעי:
18גַּם־כַּסְפָּ֨ם גַּם־זְהָבָ֜ם לֹֽא־יוּכַ֣ל לְהַצִּילָ֗ם בְּיוֹם֙ עֶבְרַ֣ת יְהֹוָ֔ה וּבְאֵשׁ֙ קִנְאָת֔וֹ תֵּֽאָכֵ֖ל כָּל־הָאָ֑רֶץ כִּ֣י כָלָ֚ה אַךְ־נִבְהָלָה֙ יַֽעֲשֶׂ֔ה אֵ֥ת כָּל־יֹֽשְׁבֵ֖י הָאָֽרֶץ: